Ишкер Темирлан Сарлыкбек уулу 1975-жылы Талас өрөөнүндөгү Арал айылында туулуп, ушул эле айылда орто мектепте алгачкы билим алган. Мектепти бүтүргөн соң 1992-1998-жылдар аралыгында Түркиянын Анкара шаарында жайгашкан ТОМЕР билим берүү борборунда түрк жана англис тилдерин үйрөнгөн. 1993-1998-жылдар аралыгында Анкара университетинде философия багытында, 1998-2000-жылдар аралыгында Анкара университетинде саясат билими багытында билим алган. Андан кийин Бишкек шаарында жайгашкан «Стимул» билим берүү борборун жетектеген.Темирлан-кыргыз жаштарынын алдыңкы сабында келаткан атуул. Дилинде улуу ойчул, залкар акындар Калыгулдун, Арстанбектин, Жусуп Баласагындын даанышмандыгынан, тунуктугунан, калыстыгынан, көрө билгичтигинен көрөӊгө алып, ошону менен катар мамлекет, эл, адам, коом, жоопкерчилик, милдет, жаратмандык, эмгек, ишкерлик жөнүндөгү жалпы адамзаттык маани-маӊыздар менен жан дүйнөсүн байытып жана сулуулап жазган Темирлан өзүнүн жеке демилгеси жана каржылоосу менен тарыхый Истанбул калаасындагы тарыхый Халич өрөөнүнө Айкөл Манас атабыздын айкелин орнотууга жетишкен.